ЈАГЛЕРОД МОНОКСИДОТ Е НЕВИДЛИВ УБИЕЦ Чадот за време на пожар е често причина за труење и смрт
Чадот за време на пожар е често причина за труење, кое може да биде фатално, а најчесто се јавува кај луѓе кои го вдишуваат во затворени простори. Без навремена медицинска помош, едно лице може да ја изгуби свеста, да доживее епилептичен напад, да падне во кома или да почине во рок од неколку минути.
Јаглерод моноксидот (CO) е гас без боја, без вкус и мирис, кој настанува со согорување на материјали што содржат јаглерод. Труењето со овој гас може да има сериозни последици, вклучително и смрт.
Извори на јаглерод моноксид и ризици од изложеностa
Главните извори на јаглерод моноксид вклучуваат:
мотори на превозни средства (автомобили, камиони, мотоцикли)
домашни апарати кои согоруваат гориво (шпорети, печки, скари, греалки на гас, бојлери, фенери и сушари за облека)
мали бензински мотори (косилки, генератори)
чад за време на пожар (кај луѓе кои вдишуваат чад во затворени простори често се јавува труење).
Ризикот е особено висок во простории со слаба вентилација, бидејќи CO може брзо да достигне опасни нивоа. Околу една третина од смртните случаи поврзани со јаглерод моноксид се случуваат додека жртвата спие, бидејќи симптомите не се воочливи на време.
Повеќе за ова прочитајте ТУКА.