Адора инженеринг одбележува 18 години успешна работа
За 18 години Адора инженеринг има изградено 40 репрезентативни станбено-деловни објекти. Станува збор за инвестиции со економски обрт од околу 330 милиони евра и изградени 300 илјади m² нето-развиена површина, со околу 3.000 висококвалитетни домови, во кои живеат над 12 илјади граѓани.
Адора инженеринг во изминатите 18 години колку што навршува деновиве стана препознатлив бренд по воведување нови стандарди – синоним за сигурна градба. Компанијата ја врати довербата кај македонските граѓани да инвестираат во недвижности во земјава, даде огромен придонес во развојот на вкупната економија, ангажираше над 500 вработени, донираше 5 милиони евра во заедницата за изградба на подобро општество за сите, а над 50-те награди само ја потврдуваат успешната приказна на компанијата.
– По 18 години, можам да кажам дека бренд, како што е Адора инженеринг во македонското градежништво-високоградба, се гради со многу храброст, знаење, посветеност, со многу работа и со многу пот. Бренд не е само име, туку бројки, податоци, факти кои го потврдуваат растот на една компанија, придонесот што го дала за севкупната економија, врз развојот на државата. Верувам во својата држава и верувам дека инвестираните средства секогаш вродуваат со плод. Секогаш сум сметал дека со многу работа, знаење, посветеност и храброст, успехот доаѓа – вели основачот и генерален директор на Адора инженеринг Ванчо Чифлиганец,.
Адора инженеринг за 18 години, има изградено 40 репрезентативни станбено-деловни објекти. Станува збор за инвестиции со економски обрт од околу 330 милиони евра и изградени 300 илјади m² нето-развиена површина, со околу 3.000 висококвалитетни домови, во кои живеат над 12 илјади граѓани.
Во изминативе 18 години Адора е постојано меѓу 200 најуспешни и најголеми компании во државата, шест години меѓу 25-те најуспешни фирми и најбрзорастечки компании.
Бројот на вработените од само двајца на почетокот се искачи на околу 500 градители.
За уделот во националната економија, сведочат 30 милиони евра платени во државниот буџет за купување градежно земјиште и 20 милиони евра уплатени за комунални давачки во повеќе општини, во кои се изградени објектите на Адора
Компанијата има добиено над 40 национални признанија и со 7 интернационални награди.
Адора инженеринг вложува во заедницата, во градењето на подобро општество, донирајќи 5 милиони евра.
Последните неколку години компанијата инвестира и во финансискиот сектор и стана најголем поединечен акционер во Комерцијална банка АД Скопје.
За ваквиот пресврт во плановите на Адора, велат сопствениците, е застојот на градењето во Скопје изминатите три години кога одделни општини воведоа мораториум на градење.