АДИНГ донира хидроизолација во вредност од 15.000 евра за мобилната болница

Компанијата АДИНГ донира комплетна изведба на хидроизолациона заштита за објектот „Мобилна воена болница“ на Министерството за здравство во вредност од 15.000 евра.

Ваква одлука донел Управниот одбор на АДИНГ, на вонредна седница одржана на 27 март заради итноста на ситуацијата.

Изведбениот стручен тим на АДИНГ е на терен и во координација со одговорните од Армијата, ги прават сите напори за итно завршување и ставање во функција на овој стратешки значаен објект за државата.

На 25. март АДИНГ времено го промени логото и слоганот „состојка на секоја градба“ кој сега гласи „растојанието е клучна состојка за нашето здравје“.

„Со оваа промена ги поддржуваме сите напори на пошироката заедница и здравствените препораки, како единствен начин да го спречиме ширењето на ковид-19. Исто така, со ова искажуваме поддршка на вработените во јавните служби, кои се на првата линија на фронтот во борбата со ковид-19“, соопшти компанијата.