Адел поминува низ пекол: Не потпишала предбрачен договор, бившиот ќе ѝ земе милиони фунти
Британската пејачка Адел се најде во големи проблеми, бидејќи не потпишала предбрачен договор со својот поранешен сопруг, бизнисменот Симон Конецки.
Според странските медиуми, таа ќе мора половина од нејзиното богатство да му го исплати на нејзиниот поранешен сопруг.
Според најновите инфомации, пејачката и бизнисменот ќе имаат заедничко старателство над седумгодишниот син Ангел. Но, она што најмногу ја погодува пејачката е тоа што ќе мора да се прости од 70.000.000 фунти, кои ќе бидат во корист на Симон, како и огромната вила во Беверли Хилс.
„Двајцата одлучија приватните детали да ги чуваат подалеку од јавноста, само за да го заштитат нивниот син и се обидуваат на сите начини да ги решат проблемите кои ги имаат. Таа сама призна дека минатата година ѝ била исклучително тешка и дека тоа што работи на нови песни, за неа е терапија. Од тоа е видливо дека е подготвена некои работи да ги сподели со обожавателите“, рекол извор близок на пејачката.
Музичката ѕвезда се одлучила на еден чекор, а тоа е да упати барање до судот во Лос Анџелес деталите од нивниот развод да останат во тајност.