📽 ЈА УБИЛ БРЕМЕНАТА ЖЕНА, ПА ЈА СПАКУВАЛ ВО КУФЕР Пријател му помогнал да го фрли телото во шума! Се појави морничава снимка!

Случајот со исчезнувањето на 41-годишната трудница Џорџија М. од Солун заврши на трагичен начин кога нејзиното тело беше пронајдено во куфер, во шумата, меѓу Триглиа и Галатиста, во Грција.

Според информации од полициски извори, за нејзиното убиство, кое било извршено со остар предмет, уапсени се нејзиниот партнер (39) и еден од неговите пријатели (34).

Како што објаснуваат истите извори, настанот за нејзиното убиство го открил пријател на нејзиниот партнер, кој за време на сослушување во полиција признал дека 41-годишната девојка била убиена од нејзиниот партнер и дека му помогнал да ја пренесе до местото каде што беше пронајдена.

Приведен е пријателот на нејзиниот партнер врз основа на отпечатоци пронајдени на местото на злосторството, а се вели дека веќе и тој е познат на полицијата. Нејзиниот партнер (39) во последните неколку дена се обидел да ја пренасочи истрагата на надлежните велејќи дека жената исчезнала земајќи со себе поголема сума пари од 5.000 евра.

Злосторството е забележано од надзорните камери

Во меѓувреме, објавено е видео по убиството на кое се гледаат двајца мажи, за кои се верува дека се нејзинот партнер и неговиот пријател, како го носат нејзиното тело на новогодишната ноќ.

Исто така, беше споделено видео од движењата на нејзиниот партнер по нејзиното убиство.

Осуден за тепање и силување на сестра си?

Веднаш по исчезнувањето на несреќната жена, полицијата започнала истрага. Како дел од анализата на снимките од камерите во околината, нејзиниот дечко и неговиот пријател биле видени како излегуваат од куќата носејќи куфер. Полицијата потоа ја пребарала куќата каде пронашла траги од крв, косата на жената и ДНК.

Прво приведен е пријателот на насилникот, откако признал дека му помогнал на партнерот да го пренесе телото на убиената трудница до местото каде што е пронајдено. Тој во полиција прецизирал дека не учествувал во убиството, туку само во транспортирањето на телото, а на крајот рекол дека парот имал финансиски проблеми, но потврдил и дека имало семејно насилство.

Според тамошните медиуми, партнерот на трудницата и е познат и на полицијата бидејќи пред неколку години бил осуден поради претепување на својата сестра, која поради повредите морала да биде хоспитализирана. Според неговата прва жртва, тој сè уште има празнини во меморијата и посттрауматски стрес. Според жалбата на жената, се сѐ случило бидејќи престанала да му дава пари.

Покрај тоа, неговата сестра го пријавила за силување, а случајот дошол на суд во јуни 2022 година, додека против него била поднесена кривична пријава за силување, недозволени полови дејствија и носење оружје.

Мајка на малолетно дете

Исчезнатата трудница била бремена три месеци, а веќе била мајка на 13-годишно девојче од првиот брак.

На почетокот на истрагата, нејзиниот партнер објаснил дека неговата девојка сама излегла од нивниот дом, со голема сума пари.

– Се разбудив во 9 часот наутро. Видов дека ми прати порака дека дошла дома, и дека земала пари од фиоката. Не можам да ја знам причината, Џорџија секогаш ми бараше пари кога нешто и требаше. Ги поделивме сите финансии – изјави нејзиниот партнер кога беше споделен апелот дека исчезнала.

Потоа, тој тврдеше дека ѝ испратила порака на нејзината мајка, на која наводно ѝ споменала дека има некои обврски да заврши. И покрај пораките кои ѝ ги испратил партнерот, полицијата не успеала да и влезе во трага, бидејќи никогаш не биле доставени.

Трудницата исчезнала на 1 јануари годинава, по свадбата која ја прославила со ќерката (13) и партнерот во Каламари.

Надлежните извршиле претрес во куќата на нејзиниот партнер, при што му го одзеле телефонот. Убиената денеска беше погребана во присуство на семејството и пријателите.