АЏИБАДЕМ СИСТИНА ЌЕ СТАНЕ НАЈГОЛЕМА БОЛНИЦА НА БАЛКАНОТ! На местото на Хубо ќе се гради објект од 40.000 квадрати
На ова место Орка Холдинг планира да гради Болница Мајка и дете, како и медицински факултет, а новата зграда ќе биде споена со клиничката болница Аџибадем Систина.
Фармацевтската компанија Реплек минатата недела преку аукција му го продала своето земјиште од 4.000 квадратни метри, на кое сега се наоѓа маркетот Хубо, на Орка Холдинг за сума од 1,5 милиони евра – објави порталот Фактор.мк повикувајќи се на неофицијални извори.
Ова земјиште се наоѓа непосредно до клиничката болница Аџибадем Систина, која е дел од Орка Холдинг, и за оваа парцела има маркица и дозвола за градба на објект со површина до 40.000 квадратни метри, над и под земја.
На ова место Орка Холдинг планира да гради Болница Мајка и дете, како и медицински факултет, а новата зграда ќе биде споена со клиничката болница Аџибадем Систина.
Со тоа Аџибадем Систина ќе стане огромен болнички комплекс од 70.000 квадратни, метри, кој ќе ги опфати сите медицински дејности, ќе има капацитет од 550 кревети, со што практично ќе стане најголемата медицинска установа на Балканот.
