ТУРЧИН ПРИВЕДЕН ВО ОХРИД ПОРАДИ ПРОСТИТУЦИЈА Полицијата го сомничи дека врбувал и намамувал лице
Р.К. бил приведен на булеварот Туристичка, а полицијата го сомничи дека врбувал или намамувал лице заради проституција.
24-годишен турски државјанин од Истанбул е приведен во Охрид поради сомнение дека учествувал во врбување и намамување лице заради вршење проституција.
Од МВР информираат дека Р.К. бил лишен од слобода вчера во 11 часот на булеварот Туристичка во Охрид.
Можеби ќе ве интересира
Според пријавеното, тој е осомничен дека врбувал, поттикнувал или намамувал лице, односно учествувал во негово предавање на друго лице со цел да биде вклучено во проституција.
Полицијата продолжува со расчистување и документирање на случајот, по што против 24-годишниот Турчин ќе биде поднесена соодветна кривична пријава.
Засега од МВР не соопштуваат повеќе детали за случајот.