📽️ КИНА ПУШТИ РОБОТИ „ВО БИТКА“ СО ПУСТИНАТА За 5 секунди садат дрво за „Голем зелен ѕид“
Интелигентните машини сами копаат, садат, наводнуваат и ја набиваат почвата. Кина со технологија ја забрзува огромната битка против ширењето на пустините.
Роботи сè почесто ја преземаат една од најтешките работи во пустините во Кина. Наместо луѓе, машините копаат, садат и наводнуваат во песокот.
Кина со години вложува огромни средства во борбата против опустинувањето. Сега во таа битка сè поголема улога добиваат автоматизирани машини.
Еден од терените е песочната област Му Ус во Внатрешна Монголија. Таму интелигентни машини од второто поколение веќе засадуваат садници.
Работата што порано барала повеќе човечки чекори сега машината ја извршува во еден циклус.
Роботот ја разлабавува почвата, ја поставува садницата, ги наводнува корените и повторно ја покрива со земја. Потоа ја набива почвата.
За една садница му се потребни околу 5 секунди. Навигациските системи овозможуваат прецизно движење и садење низ огромните песочни пространства. Современите машини во регионот користат и кинеска сателитска навигација Бејдоу.
View this post on Instagram
Технологијата е дел од многу поголема кинеска офанзива против песокот.
Таканаречениот „Голем зелен ѕид“, односно програмата „Три Севери“, треба да создава природни бариери против опустинувањето и песочните бури. Во проектите веќе се користат роботи, интелигентни машини, дронови и други технологии.
Но, машините сами не можат да ја победат пустината.
Изборот на растенијата мора да се приспособи на водата, почвата и локалниот екосистем. Во Внатрешна Монголија се користат автохтони видови приспособени на суша и сиромашна почва.
Токму затоа кинескиот модел комбинира традиционално пошумување, механизација, паметно наводнување и нови технологии.
Само во Ордос во 2026 година биле распоредени повеќе од 2.500 единици опрема за борба против опустинувањето. Механизацијата таму покрива над 80 отсто од клучните подрачја.