📽️ ШТО ПИЕ АНИСИМОВА СРЕДЕ МЕЧОТ? Коментаторите не можеа да погодат, социјалните мрежи зовреа
Американката направи пресврт против Александра Еала, но еден момент од паузата меѓу гемовите привлече огромно внимание на социјалните мрежи.
Американската тенисерка Аманда Анисимова привлече големо внимание на социјалните мрежи за време на мечот против Александра Еала на турнирот во Синсинати, и тоа не само поради победата.
Анисимова славеше со 2-1 во сетови, со пресврт и резултат 4-6, 6-4, 6-2, со што обезбеди пласман во осминафиналето.
Сепак, еден нејзин потег за време на паузата меѓу гемовите го привлече вниманието на гледачите и коментаторите.
Американката зеде пластична чаша со пенлив пијалак и се напи, по што веднаш започнаа шпекулации на социјалните мрежи дека среде тениски меч пие пиво. И самите коментатори се обидуваа да погодат што точно има во чашата.
Tennis Channel commentators debating what Anisimova is drinking in the 3rd set against Alex Eala in Cincinnati
😭😭😭😭😭😭😭 pic.twitter.com/AsCxboIYLa
— The Tennis Letter (@TheTennisLetter) August 18, 2026
Без оглед на дилемата околу пијалакот, Анисимова успеа да го сврти мечот во своја корист. По загубениот прв сет, Американката ги освои следните два и ја елиминираше Еала.
Потегот со „мистериозниот пијалак“ сепак го направи мечот дополнително интересен и веднаш стана една од најсподелуваните сцени од турнирот.