📽️ ЧАМЦИ НА БРЕГОТ, БРАНОВИТЕ СТИГНАА ДО КУЌИТЕ Невремето направи хаос кај Љубаништа и кај Трпејца
Силниот ветер и високите бранови предизвикаа голема штета на охридското крајбрежје – во Љубаништа повеќе од 30 пловни објекти завршија на брегот, а во Трпејца брановите целосно ја покрија плажата и стигнаа до првиот ред куќи.
Силното невреме што го зафати охридскиот регион предизвика голема материјална штета кај Љубаништа, каде што повеќе од 30 пловни објекти биле откорнати од своите места и исфрлени на брегот.
Како што може да се види на видеото објавено од ОхридСкај, чамците и другите пловни објекти се насукани на песокот, додека дел од нив се превртени поради силниот ветер и високите бранови.
Можеби ќе ве интересира
Последиците од невремето се видливи и во Трпејца, каде што силните бранови целосно ја покриле плажата, објави Охрид1 Според снимките, морето – односно езерските бранови – стигнале сè до ѕидовите на куќите кои се наоѓаат во првиот ред покрај брегот, оставајќи зад себе драматични сцени.