📽️ „ЛЕСНО МУ Е НА МЕСИ И ЈАС САКАМ ДА ИГРАМ 90 МИНУТИ“ Ѓоковиќ со брилијантен одговор кога го споредија со Аргентинецот
Новак Ѓоковиќ по драматичниот пласман во полуфиналето на Вимблдон покажа дека и во најтешките моменти знае да остане опуштен. Споредбата со Меси ја претвори во шега која брзо стана хит.
Српскиот тенисер по пет часа и 15 минути борба на Вимблдон се пошегува со споредбата со аргентинската фудбалска легенда, која на 39 години продолжува да блеска на Светското првенство.
Новак Ѓоковиќ уште еднаш покажа дека не е само еден од најголемите тенисери во историјата, туку и спортист кој знае да ја освои публиката со својот хумор. По драматичната победа над Феликс Оже-Алијасим во четвртфиналето на Вимблдон, српскиот ас ги насмеа новинарите со одговорот на споредбата со Лионел Меси.
По мечот кој траеше повеќе од пет часа, еден од новинарите го потсети Ѓоковиќ дека и аргентинската фудбалска ѕвезда, иако има 39 години, продолжува да игра на врвно ниво на Светското првенство 2026, каде против Египет постигна гол и запиша асистенција.
– Неверојатно е што Меси и на 39 години постигнува голови, а вие победувате по пет часа и 15 минути игра – му рекол новинарот на српскиот тенисер.
Ѓоковиќ веднаш одговорил во свој препознатлив стил, со насмевка на лицето:
– Лесно му е на Меси, би сакал и јас да играм само 90 минути како него, ама… – изјавил Ѓоковиќ, предизвикувајќи смеа кај присутните во салата.
View this post on Instagram
Српскиот тенисер до полуфиналето на Вимблдон стигна по голема борба во пет сета, совладувајќи го Оже-Алијасим во меч исполнет со пресврти и неизвесност. Ѓоковиќ во текот на дуелот имаше и проблеми со ногата, но успеа да остане смирен и да го заврши натпреварот во свој стил.
Во полуфиналето го очекува нов голем предизвик – дуел против актуелниот шампион Јаник Синер. Ѓоковиќ ќе се обиде да направи уште еден чекор кон освојување на рекордната 25. гренслем титула.