📽️ ПОЗНАТО ЗОШТО СУДИЈАТА ОД СОМАЛИЈА БЕШЕ ВРАТЕН ОД МУНДИЈАЛОТ Го дочекаа дома како херој
Откако му беше забранет влез во САД непосредно пред Светското првенство, американските власти открија дека сомалискиот судија Омар Артан бил одбиен поради безбедносни информации и наводни контакти со лица поврзани со терористички групи.
Омар Артан, судијата од Сомалија кој деновиве стана светска вест откако беше запрен на аеродромот во Мајами, добил забрана за влез во САД поради сомнежи за врски со членови на терористичка организација.
Така тврдат американските власти, кои првпат ја објаснија причината за инцидентот што предизвика реакции и во фудбалската јавност и во Сомалија.
Артан во понеделникот бил задржан на аеродромот во Мајами и покрај тоа што поседувал дипломатски пасош и еднократна американска виза.
Што соопшти Вашингтон?
Според американската администрација, при дополнителните проверки биле откриени информации што го прават неподобен за влез во земјата.
„По понатамошна проверка беа откриени навредливи информации, вклучително и врски со осомничени членови на терористички организации“, соопштија американските власти.
Во истото соопштение се наведува дека администрацијата на Доналд Трамп нема да дозволи безбедносни закани да влезат во земјата.
Од аеродром во Мајами до херојски пречек
Случајот предизвика големо внимание бидејќи Артан требаше да биде дел од Светското првенство и да стане еден од ретките сомалиски судии на такво натпреварување.
По враќањето во татковината, му бил приреден херојски пречек.
Артан претходно тврдеше дека е само фудбалски судија кој поседува валидна документација за влез во Соединетите Држави.