ИНЦИДЕНТ ВО ЗДРАВСТВЕНА УСТАНОВА ВО АЕРОДРОМ Вработена пријавила агресивно однесување и физички напад
Инцидентот се случил во здравствена установа во општина Аеродром, а полицијата презема мерки за расчистување на случајот.
Дваесет и двегодишна скопјанка пријавила во полиција дека била физички нападната на своето работно место во здравствена установа во општина Аеродром.
Според информациите од Министерството за внатрешни работи, на 2 јуни во 13:30 часот во СВР Скопје, З.Х. (22) од Скопје пријавила дека ден претходно, на 1 јуни, по претходно недоразбирање, лицето З.Ј. агресивно се однесувало кон неа и физички ја нападнало.
Можеби ќе ве интересира
Инцидентот, како што е наведено во пријавата, се случил во здравствена установа на подрачјето на општина Аеродром.
Од МВР информираат дека се преземаат мерки и активности за целосно расчистување на случајот.