📽️ ЗАЛОЖНИЧКА ДРАМА ВО КАЛИФОРНИЈА Маж со оружје држи заложници во банка
Вооружен маж се забарикадирал во филијала на банка во Бејкерсфилд и држи заложници, додека ФБИ и специјалните единици се обидуваат да ја завршат кризата без жртви.
Заложничка криза во американскиот град Бејкерсфилд, во сојузната држава Калифорнија, откако вооружен маж се забарикадирал во филијала на банка и држи заложници, соопштија локалните власти.
Инцидентот започнал во вторник околу 13 часот по локално време, кога полицијата добила дојава за закана со бомба во филијалата на банката „Чејс“ во централниот дел на градот.
Според првичните информации, осомничениот влегол во банката и останал внатре со непознат број лица. По неколкучасовни преговори, безбедносните служби успеале да ослободат двајца заложници, но кризата и понатаму продолжува.
#WATCH : Photo Reportedly Shows Hostage Being Escorted During Bakersfield Bank Standoff pic.twitter.com/MVFatfZL5y
— upuknews (@upuknews1) June 3, 2026
Надлежните засега не пријавуваат повредени лица, а преговарачките тимови се во постојан контакт со напаѓачот во обид да се стави крај на ситуацијата без дополнителна ескалација.
Властите сè уште не можат да потврдат дали во објектот навистина има експлозивна направа, поради што безбедносните мерки се подигнати на највисоко ниво.
Во акцијата се вклучени и федерални служби, меѓу кои Федералното истражно биро (ФБИ), Министерството за внатрешна безбедност на САД, како и специјални полициски единици од повеќе делови на Калифорнија.
Од безбедносни причини евакуирани се неколку објекти во околината на банката, која се наоѓа на раскрсницата на Честер авенија и 17-та улица.
🇺🇸 Etats-Unis : prise d’otages dans une banque en Californie
🔹 Selon les médias américains, la police a indiqué mardi qu’un homme s’est barricadé à l’intérieur d’une banque avec d’autres personnes dans la ville californienne de Bakersfield.
🔹 La police locale est sur place pic.twitter.com/DUeSIlVi65
— Catherine TAVASOLI (@CTavasoli86008) June 3, 2026
Полицијата упати апел до граѓаните да го избегнуваат подрачјето, каде што се распоредени специјални единици SWAT, тимови за деминирање, полициски кучиња и дронови кои ја следат ситуацијата од воздух.
Истрагата и преговорите продолжуваат.