МАЛОЛЕТНИК ОГРАБУВАЛ ЏАМИИ ВО ТЕТОВСКО Полицијата фати 16-годишно момче кое одзело пари од верски објекти
16-годишник од Тетово се сомничи дека во повеќе наврати крадел пари од џамии, при што бил уапсен од полицијата.
Полициски службеници од Тетово лишија од слобода 16-годишен малолетник од градот, кој се сомничи дека во изминатите две недели извршил повеќе кражби во џамии.
Според информациите, последниот случај се случил во џамија на улица 176 во Тетово, каде што малолетникот со сила ја оштетил металната каса за донации и одзел пари.
Можеби ќе ве интересира
Од полицијата велат дека постојат сомневања дека истиот бил поврзан со слични кражби и во други верски објекти во градот во претходниот период.
Малолетникот е задржан во полициска станица, а за случајот е известен и надлежен јавен обвинител. По целосно документирање на настанот ќе биде поднесена соодветна пријава.