📽️ ИЗРАЕЛ УАПСИ 11 АКТИВИСТИ, АВСТРАЛИЈА БАРА ОДГОВОРИ „На бродовите немаше хуманитарна помош“
Израелските сили привеле 11 австралиски активисти од меѓународната флотила „Сумуд“, која се обидувала да достави хуманитарна помош во Газа. Според организаторите, израелски воени глисери ги пресретнале бродовите во меѓународни води.
Единаесет австралиски активисти се приведени откако израелските сили пресретнале дел од меѓународната флота „Сумуд“, која пловела кон Газа со хуманитарна помош.
Меѓу приведените има лекари, академици, студенти, активисти и филмски режисери, објави „Гардијан“.
Израелското Министерство за надворешни работи објави дека активистите од „провокативната флота“ биле префрлени на израелски бродови.
„На бродовите не е пронајдена никаква помош“, соопшти израелското Министерство преку платформата Икс.
🚨BREAKING 🚨 The IDF Navy is taking control of the fleet to Gaza that departed from Turkey. pic.twitter.com/EABVTTRujn
— Raylan Givens (@JewishWarrior13) May 18, 2026
Организаторите на флотилата веднаш го оспорија тоа тврдење. Флотата минатата недела испловила од Турција и броела 54 бродови со 319 активисти од десетици земји.
Според организаторите, целта била да се достави хуманитарна помош во Газа.
Австралиската влада соопшти дека „итно бара“ информации за нивната состојба и безбедност.
Организаторите соопштија дека израелски воени глисери ги пресретнале бродовите на околу 250 наутички милји од брегот на Газа, во меѓународни води.
На снимките објавени од флотилата се гледаат израелски војници како се качуваат на дел од бродовите.
Глобалната флотила „Сумуд“ наведе дека 38 бродови биле пресретнати и опколени.