ПОЛИЦИСКА АКЦИЈА ВЕДНАШ ДО САЛАТА КАДЕ ШТО СЕ ОДРЖУВА ЕВРОСОНГ Пропалестински активисти протестираа против учеството на Израел
Демонстрантите се собраа на скалите од главната библиотека во градот, извикувајќи слогани и држејќи транспаренти.
Австриската полиција започна голема операција во близина на местото каде што се одржува Евровизискиот натпревар во Виена, непосредно пред почетокот на финалето вечерва, додека маскирани пропалестински активисти протестираа против учеството на Израел, објави новинската агенција ДПА.
Демонстрантите се собраа на скалите од главната библиотека во градот, извикувајќи слогани и држејќи транспаренти. Полициските службеници ги симнаа членовите на една група демонстранти по скалите, но набргу потоа таму се појави друга група.
Библиотеката се наоѓа на метро станица во близина на виенската Штадхале, местото каде што се одржува Евровизискиот натпревар.
Претходно во текот на денот, неколку илјади луѓе учествуваа во посебен протест во Виена против учеството на Израел во музичкото натпреварување. Тој протест помина мирно, без апсења или поголеми инциденти, изјави портпарол на полицијата за ДПА.