КРАЛОТ НА ДАНСКА ГО ПОМИНА ГРЕНЛАНД СО САНКА ЗА КУЧИЊА И МУ ПОРАЧА НА ТРАМП Имам најдлабоко почитување за секое од нив

Данскиот кралот Фредерик X патувал низ Гренланд со санки со кучиња, објави Кралската палата вечерва.

Тој, според информацијата, поминал неколку дена со патролата „Сириус Дог След Патрол“.

-Никогаш не можам да се наситам од Гренланд – изјавил кралот, соопшти палатата.

Тој, исто така, играл фудбал на маса во една од станиците на источниот брег на островот, кој му припаѓа на Кралството Данска.

Од соопштението за медиумите на данската кралска палата, не е јасно дали патувањето на данскиот крал е поврзано со спорот околу Гренланд кој го покрена американскиот претседател Доналд Трамп но сè укажува на фактот дека е така бидејќи кралот Фредерик јасно стави до знаење дека воопшто не ги сметал санките со кучиња за смешни.

„Имам најдлабоко почитување за секое од нив“, напиша тој, заблагодарувајќи се „за можноста повторно да го доживеам возбудувањето од неизмерните сили на природата“.

His Majesty the King on a dog sled journey in Greenland.

I can never get enough of Greenland…

This week, I spent a few days on a dog sled journey with Sirius Dog Sled Patrol. After a stopover in Mestersvig, where we managed a quick game of table football, we set out from… pic.twitter.com/cicTiEXRtw

— Orla Joelsen (@OJoelsen) April 25, 2026

Претседателот на САД, Доналд Трамп, се потсмеваше на патролите со санки со кучиња претходно оваа година, во услови на зголемени тензии по неговите закани за анексија на Гренланд.

Трамп рече дека употребата на животни е доказ дека Данска не може правилно да го заштити најголемиот остров во светот и ја искористи можноста да ги изрази американските претензии кон Гренланд.

Вашингтон се закани дека ќе воведе целосни казнени тарифи на сојузниците во својот обид да го анектира Гренланд, предизвикувајќи тензии со Копенхаген и другите европски земји пред да се повлече.