СКОПЈАНЕЦ ПРЕВЕЗУВАЛ ПЕТ ЛИЦА ОД ВИЕТНАМ Приведен криумчар, мигранти сместени во центар
Полицијата уапси 48-годишен скопјанец кој со автомобил превезувал пет лица од Виетнам во близина на границата со Грција
Криумчар на мигранти е уапсен во близина на границата со Грција, откако полицијата открила пет лица од Виетнам скриени во возило.
Акцијата се случила ноќеска околу 02:30 часот во атарот на селото Богородица, каде полицијата запрела патничко возило „тојота корола“ со италијански регистарски ознаки. Зад воланот бил 48-годишен скопјанец, кој, според сомневањата, превезувал мигранти.
Можеби ќе ве интересира
При контролата биле пронајдени пет лица од Виетнам, кои нелегално се движеле низ државата.
По наредба на јавен обвинител, осомничениот е задржан во полициска станица, а против него ќе следува кривична пријава.
Мигрантите се пренесени во Прифатно-транзитен центар „Винојуг“, каде ќе им биде обезбеден понатамошен третман.