ВИКТОРИЈА БЕКАМ ПРОГОВОРИ ЗА КОНФЛИКТОТ СО СИНОТ „Секогаш сме се труделе да бидеме најдобри родители“
Сè што отсекогаш сме се обидувале да направиме е да ги заштитиме и да ги сакаме нашите деца - изјави пејачката на „Спајс Грлс“ во интервју за The Wall Street Journal.
Викторија Бекам конечно проговори за нарушените односи во семејството, по долг период молк околу конфликтот со нејзиниот најстар син, Бруклин Бекам.
Во интервју за The Wall Street Journal, таа внимателно ја допре темата, но избегна директно да го спомене неговото име.
– Мислам дека отсекогаш сме ги сакале нашите деца толку многу – рече пејачката на „Спајс Грлс“, одбивајќи да го спомене својот најстар син по име.
– Ние сме под будното око на јавноста повеќе од 30 години и сè што се обидуваме да направиме е да ги заштитиме нашите деца и да ги сакаме – додаде таа.
Нејзината изјава доаѓа неколку месеци по бурните објави на Бруклин Бекам на социјалните мрежи, во кои ги обвини родителите – вклучително и Дејвид Бекам – дека се обидувале да ја нарушат неговата врска со сопругата Никола Пелц.
Во серија објави, тој тврдеше дека неговите родители „постојано се обидувале да ја уништат“ неговата врска, ставајќи го публицитетот пред семејството. Меѓу обвинувањата беа и тврдења дека бил под притисок да потпише права поврзани со своето име пред свадбата, како и дека неговата мајка „се вмешала“ во нивниот свадбен танц.
Бруклин тогаш изјави дека долго време молчел со цел да ја зачува приватноста на семејните односи, но дека бил принуден јавно да проговори.
Иако обвинувањата предизвикаа огромно внимание, Викторија Бекам досега избегнуваше директен одговор. Нејзината последна изјава е внимателна и воздржана, без да навлегува во детали.