КОЈА БЕШЕ ГРЕШКАТА НА БАНКНОТАТА НА ТИТО? Никој не ја исправил дури и кога била забележана
На банкнотата од 5.000 динари наместо 1980 стоела 1930 како година на смртта на Тито. И покрај грешката, стотици илјади примероци останале во оптек.
Банкнотата од 5.000 југословенски динари со ликот на Јосип Броз Тито од 1985 година предизвика големо внимание, не поради вредноста, туку поради необична грешка – наместо точната г одина на смрт, на неа била испечатена погрешна.
На банкнотата, покрај ликот на Тито, стоеле годините на раѓање и смрт. Но наместо 1892–1980, било испишано 1892–1930. Ова значи дека според банкнотата, Тито „починал“ 50 години порано.
И покрај тоа што грешката била забележана, банкнотите не биле повлечени од оптек. Причината била бројот на примероци. Од околу 14 милиони испечатени банкноти, само 4 проценти имале грешка.
Тоа се околу 560.000 банкноти. Иако меѓународните правила бараат повлекување, тоа не се случило. Освен погрешната година, банкнотата имала и други недостатоци.
На неа не бил наведен точен датум на пуштање во оптек. Исто така, изгледот се разликувал од оној во службениот весник.
На почетокот на осумдесеттите години, беше донесена одлука постојната серија пари да се замени со нова, посовремена. Во новата серија, секоја банкнота требаше да претставува една од југословенските републики, а на предната страна да има историска личност од таа република, додека на задната страна мотив од таа република.
Најмалата банкнота од 10 динари требало да ја претставува најмалата република, Црна Гора, а најголемата постоечка банкнота од 1.000 динари да ја претставува најголемата република, Србија со ликот на Вук Караџиќ.