📽️ СЕ УРИВА СИМБОЛОТ НА ЗАГРЕБ „Вјесник“ заминува во историјата откако беше опожарен во ноември
Пожарот од ноември ја уништи зградата, а сега започна нејзиното финално уривање. „Вјесник“ беше клучен центар на новинарството во Загреб. Облакодерот висок 67 метри го красеше центарот на градот.
Еден од најпрепознатливите симболи на Загреб почна да исчезнува. Започна нова фаза од уривањето на комплексот „Вјесник“, по пожарот што ја уништи зградата во ноември.
Министерството за просторно планирање, градежништво и државен имот на Хрватска соопшти дека се отстрануваат северните конзоли до 7. кат. Целта е да се растовари конструкцијата и да се овозможи пристап за машините.
Потоа ќе започне целосното уривање на облакодерот.
Облакодерот беше висок 67 метри и имаше 16 ката. Се наоѓаше на раскрсницата на Савска цеста и Славонска авенија.
Изграден е во 1972 година, според проект на архитектот Антун Улрих и своевремено важел за еден од најмодерните во Европа.
Во седиштето на весникот „Вјесник“ имаше редакции, канцеларии, печатница и дистрибутивен центар.