🎥 ШТО ЌЕ ЈАДАТ ЅВЕЗДИТЕ ПО ОСКАРИТЕ? 30 килограми кавијар, 22 килограми тартуфи, 25.000 мали порции, 7,5 литри златна течност
Легендарниот готвач Волфганг Пак со тим од 445 луѓе ќе подготви повеќе од 70 јадења за 1.500 гости на традиционалниот бал по доделувањето на Оскарите
Кога станува збор за гламурот на церемонијата на доделувањето на Оскарите, спектаклот не се случува само на сцената. По доделувањето на наградите следи и подеднакво раскошна гастрономска прослава – традиционалниот Governors Ball, каде што ѕвездите наздравуваат и слават со врвна храна.
Оваа година, за 98. издание на Оскарите, што ќе се одржи во Долби Театар во Лос Анџелес, за менито повторно е задолжен легендарниот готвач Волфганг Пак. Тој по 32-ри пат ја организира официјалната вечера по церемонијата.
Пак и неговиот тим од дури 445 луѓе подготвуваат повеќе од 70 различни јадења за околу 1.500 гости. Во кујната ќе работат 75 готвачи за солени јадења, 45 слаткари, како и голем тим за послужување и организација.
За вечерта се планирани дури 25.000 мали порции, за гостите да можат да пробаат различни вкусови од светските кујни.
– Може да имате јапонска храна, австриска храна, или секогаш најдобриот стек – изјавил Пак.
View this post on Instagram
Повеќе за ова прочитајте на „Арт кујна“.