НЕ Е САМО ДО ЕКРАНИТЕ Кратковидноста се шири како епидемија, откриен уште еден фактор за порастот
Иако порастот на кратковидоста меѓу децата често се припишува на тоа што тие сè повеќе време поминуваат пред екраните, можно е значаен фактор да е и општата склоност кон престој во затворени простори и долготрајното фокусирање на блиски објекти.
Бројот на случаи на миопија, односно кратковидност, забрзано расте низ целиот свет, а нова студија укажува дека една од клучните причини можеби не се само екраните – туку сè поголемото време поминато во затворени простории.
Иако научниците сè уште немаат целосен одговор зошто кратковидноста достигнува речиси епидемиски размери, истражување спроведено од експерти од SUNY College of Optometry покажува дека проблемот не лежи исклучиво во времето поминато пред телефон, таблет или компјутер, пренесува Science Alert.
Што покажало истражувањето?
Тимот од SUNY спровел лабораториско истражување на 34 испитаници – 21 со кратковидност и 13 со нормален вид. Учесниците требало да го фокусираат погледот кон квадратни цели со различна осветленост и контраст, секое око посебно.
Резултатите покажале дека активностите кои бараат долготрајно гледање на блиску – таканаречена „работа од блиску“ – можат да придонесат за развој на кратковидност. Причината е начинот на кој зеницата се стеснува за да ја ограничи количината светлина што влегува во окото.
– Кратковидноста достигна речиси епидемиски нивоа во светот, а сè уште не разбираме целосно зошто – изјавил визуелниот невронаучник Хосе-Мануел Алонсо.
Повеќе за ова прочитајте ТУКА.