СТУДЕН ТУШ ЗА СИТЕ КОИ ОЧЕКУВАА 3.000 ЕВРА ЗА ДЕТЕТО КОЕ ГО РОДИЈА ВО ГЕРМАНИЈА Баварија го откажа бонусот за новороденчиња

Владата на германската покраина Баварија го откажа планираниот почетен бонус за новороденчиња – Kinderstartgeld – пред дури и да почне да се исплаќа. Ова практично стави крај на уште една мерка за финансиска поддршка за семејствата во оваа германска покраина.

Родителите кои примаат федерален детски додаток (Kindergeld) или други национални бенефиции нема да бидат засегнати од оваа промена.

Според претходниот план, родителите на деца родени по 1 јануари 2025 година требаше да добијат еднократна исплата од 3.000 евра кога детето ќе наполни една година. Но тоа сега нема да се случи бидејќи помошта е повлечена.

Парите, наместо тоа, ќе бидат пренасочени кон системот за грижа за деца – првенствено градинките, кои се соочуваат со зголемен број вработени, опрема и трошоци за одржување.

Премиерот на Баварија, Маркус Зедер, изјави дека „местата во градинките се поважни од директните плаќања на родителите“.

Премиерот Маркус Зедер вели дека одлуката е конечна и дека инвестирањето во системот за грижа за деца носи „поголеми придобивки на долг рок“.

Сепак, многу граѓани не го делат тоа мислење – на интернет се започнати петиции со кои се бара Kinderstartgeld да се воведе сепак.

Најпогодени се родителите на деца родени оваа и следната година, кои веќе сметаа на гореспоменатите 3.000 евра.

Оваа одлука, исто така, ги лишува и од добивање на претходните два вида на помош – Krippengeld (додаток за грижа за деца) и Familiengeld (семеен додаток), кои беа специфични за Баварија. Бонусот за новороденчиња (Kinderstartgeld) требаше да ги замени, но сега нема да постои ниту тој.

За децата родени пред 2025 година, Баварија исплаќала семеен додаток од 250 до 300 евра месечно за секое дете на возраст меѓу 2 и 3 години. Вкупно, ова значеше помеѓу 6.000 и 7.200 евра по дете.

Дополнително, имаше дополнителен Krippengeld – до 100 евра месечно за трошоци за градинка, во зависност од приходот на семејството.

Родителите во Баварија сè уште можат да сметаат на федерални форми на поддршка што важат низ цела Германија, вклучувајќи:

Kindergeld (детски додаток) – 255 евра месечно по дете.

Elterngeld (родителски додаток) – до 1.800 евра месечно за родители кои привремено не работат.

Дополнително, постојат даночни кредити, субвенции за домување, помош за самохрани родители и програми за поддршка на образованието на децата.