📽️ КИНЕСКИОТ „ТЕРМИНАТОР“ ЧЕКОРИ КАКО ТЕЈЛОР СВИФТ Ривалот на Оптимус ја брише разликата меѓу човек и машина

Роботот „Iron“ на кинескиот гигант „XPeng“ предизвика лавина реакции откако на видеото објавено на YouTube се појави без својата бела обвивка, метален, блескав и застрашувачки човеколик. Со својот ритмичен чекор и замав на колковите, роботот потсетува на сцена од „Терминатор“.

Меѓутоа, уште повеќе изненади изведбата на „XPeng“ на нивниот технолошки настан во Гуангжу, кога роботот бил „облечен“ во тенок еластичен костум, со изразено женствен изглед. Некои набљудувачи дури се запрашале дали во него има човек, потсетувајќи на трикот што порано го направи Илон Маск со својот Оптимус, роботот на Тесла.

XPENG’s next-gen IRON robot effectively crossed the uncanny valley, leading many to believe it was a human in a suit.

In a follow-up event to prove it was a robot, He Xiaopeng had its leg skin cut open in front of a live audience. The robot then walked off the stage. pic.twitter.com/CNF5loZyaf

— The Humanoid Hub (@TheHumanoidHub) November 6, 2025

Шефот на компанијата, Хе Сјаопенг, ја разрешил дилемата така што пред камерите го откопчал костумот и открил вистински робот внатре.

„Стигнавме до момент кога роботите се движат посензуално од Тејлор Свифт“, коментирал еден корисник на „Редит“.

Понатаму, „Iron“ е претставен како најнапредниот човеколик робот досега. Според платформата Humanoids Daily, тој има 22 степени на флексибилност, „човекоподобен ‘рбет“ и дури и дигитално лице кое прави човечки изрази.

Сепак, вистинската револуција е внатре. Хе Сјаопенг објавил дека „Iron“ користи прва цврста батерија во индустријата — технологија која досега беше „светиот грал“ на електричните возила. За разлика од течните литиум-јонски батерии, оваа технологија е побезбедна и полесна за домашна употреба.