🎥 „ОВА Е ТЕРОРИЗАМ!“ Запирањето на флотилата кон Газа го разгневи светот
Претседателот на Колумбија ги опиша дејствијата на израелските сили како „меѓународен злостор“ и го осуди притворањето на двајца колумбиски државјани во „меѓународни води“. Во знак на протест, најголемиот италијански синдикат најави генерален штрајк. Остро реагираше и Турција.
Колумбискиот претседател Густаво Петро ги протера израелските дипломати од Колумбија откако Израел ја запре меѓународната флотила за помош за Појасот Газа.
Пресретнувањето на флотилата го осудија и Турција и Хамас, нарекувајќи го израелското дејствување „чин на тероризам“ и кршење на меѓународното право.
Во знак на протест, најголемиот италијански синдикат најави генерален штрајк, а демонстрации се одржаа во повеќе италијански градови, меѓу кои и Неапол, каде што демонстранти го блокираа железничкиот сообраќај.
Претседателот на Колумбија ги опиша дејствијата на израелските сили како „меѓународен злостор“ и го осуди притворањето на двајца колумбиски државјани во меѓународни води.
Колумбија ги прекина дипломатските односи со Израел минатата година, но четворица израелски дипломати останаа во земјата.
Израелското Министерство за надворешни работи претходно објави дека сите патници од флотилата „Глобал Сумуд“, вклучувајќи ја и шведската активистка Грета Тунберг, се однесени во израелско пристаниште и се „неповредени и во добра здравствена состојба“.
BREAKING: Italian Unions and protesters kept their promises to block EVERYTHING if any harm was made to the Global Sumud Flotilla.
Naples, Italy, was the first to block the train station and now protests have also started in Rome. pic.twitter.com/SH0RpIHpe0
— Sulaiman Ahmed (@ShaykhSulaiman_) October 1, 2025
Турското МНР соопшти дека станува збор за „сериозно прекршување на меѓународното право што ги загрозува животите на цивили“.
Хамас оцени дека акцијата на израелската морнарица е „гусарска и претставува поморски тероризам над цивили“, како и „предавство и агресија“ со апсење на активисти и новинари.
Флотилата „Глобал Сумуд“ пренесува хуманитарна помош за Газа. Израелското МНР соопшти дека припадници на морнарицата се качиле на повеќе бродови, при што биле приведени активисти, меѓу нив и шведската активистка Грета Тунберг. На објавено видео се гледа како израелски војник ѝ ги враќа личните предмети по приведувањето.
„Бродовите се безбедно запрени, патниците се префрлени во израелско пристаниште, а Грета и останатите активисти се живи и здрави“, се наведува во соопштението. Активистите ќе бидат депортирани.