НАПАД НА ПАРКОМАТИ ВО СКОПЈЕ Две лица одзеле пари од јавни паркинзи во текот на ноќта
МВР трага по сторителите на ноќната кражба во катната гаража и трговските центри.
Две непознати лица со употреба на сила отворале паркомати во неколку локации низ главниот град и одзеле пари. Ова во Секторот за внатрешни работи Скопје било денеска пријавено од страна на ЈП „Градски паркинг“.
Можеби ќе ве интересира
Како што информираат од полицијата, во периодот од 04:03 до 05:50 часот биле насилно отворени паркомати во катната гаража „Разловечко востание“, во Комплексот клиники „Мајка Тереза“, на булеварот Кочо Рацин, како и во Градскиот трговски центар.
Од полицијата велат дека се преземаат мерки за целосно расчистување на случаите и пронаоѓање на сторителите.