СЕКОЈ ДЕН ПО ЕДНА БАНАНА ЗА ЗДРАВИ БЕЛИ ДРОБОВИ Ова овошје е богат извор на калиум и магнезиум, клучни за функцијата на респираторниот систем
Бананите го намалуваат ризикот од рак на белите дробови, а корисни се и за луѓето со хронична опструктивна белодробна болест (ХОББ)
Повеќето од нас речиси и не размислуваме за здравјето на белите дробови сè додека не добиеме настинка или грип и не почнеме да кашламе и да имаме тешкотии со дишењето. Или кога трчаме по автобус, сфаќаме колку се важни нашите бели дробови за секое движење и здив што го земаме. Без нив во полна сила, би ни било тешко да издржиме напорен тренинг или да одржиме јавен говор.
Покрај избегнувањето на пушењето и поминувањето време на свеж воздух, еден начин да им помогнете е правилната исхрана. Одредени намирници содржат хранливи материи кои го поддржуваат здравјето на респираторниот систем, а бананите се меѓу најистакнатите.
Имено, тие се богат извор на калиум и магнезиум, два минерали клучни за функцијата на белите дробови.
Банана со средна големина (приближно 118 грама) има околу 422 мг калиум и речиси 32 мг магнезиум. За споредба, според упатствата на Европскиот орган за безбедност на храната (EFSA), препорачаниот дневен внес на калиум за возрасни е 3.500 мг, додека за доилки препорачаниот внес е малку поголем, 4.000 мг дневно. Значи, една банана веќе нè доближува значително до овие вредности.
Повеќе за ова на порталот „Арт кујна“.