ЛИСТОТ ОД КАПИНА, ПОТЕНЦИЈАЛЕН УБИЕЦ НА БАКТЕРИИ Овие бобинки со малку калории и многу витамини се и еликсир за мозокот
Истражувањата сугерираат дека антоцијанините што се наоѓаат во капините можат да помогнат во зголемувањето на протокот на крв во мозокот, активирање на регионите одговорни за говорот и меморијата и подобрување на когнитивната функција кај луѓе со лесна до умерена деменција
Капините не се само вкусни бобинки, туку и исклучителен нутритивен коктел од разни вредни хранливи материи. Тие се богати со витамини, минерали и антиоксиданти.
Низ историјата, луѓето ги користеле плодовите, листовите и гранките од капини за лекување на разни заболувања. Денес, иако модерната медицина ги замени традиционалните употреби, има сè повеќе научни докази дека капините имаат бројни здравствени придобивки.
Капините се богати со витамини, минерали, влакна и антиоксиданти – хранливи материи што се неопходни за одржување на добро здравје. Студиите покажуваат дека антиоксидантите можат да го намалат воспалението и да помогнат во спречувањето на многу болести, вклучително и ракот.
Покрај тоа, капините имаат ниска калорична вредност и јаглехидрати. Една порција содржи само 62 калории и 13,8 грама јаглехидрати. Значи, можете слободно да ги консумирате без грижа на совест.
Прочитајте повеќе на „Арт кујна“.