КУКЛА, ДЕМОН, ТРЕНД … Зошто се сите опседнати со куклите Лабубу?
Социјалните медиуми повторно успеаја да претворат еден неочекуван предмет како што е играчка, во задолжителен додаток. Додека едни трошат неверојатни суми пари за да ја добијат онаа што ја сакаат, други сакаат да се ослободат од „чудовиштето“. Кај нас се појавија и тврдења од загрижени православни христијани дека куклата се користи во сатанистички ритуали
Нова сезона, нова опсесија што ги напаѓа сите социјални платформи – кукли Лабубу. Ако не знаете за што зборуваме, ова се мали суштества што изгледаат како чудовишта, а се создадени во 2015 година од уметникот од Хонг Конг, Касинг Лунг. Откако стапил во соработка со синџирот продавници Поп Март, создадена е серија играчки наречени „Чудовиштата“. Малите суштества што Лунг ги создал за своите приказни се инспирирани од нордиската митологија, па оттука и нивниот специфичен изглед.
Во азиските земји, куклите веќе некое време се предмет на интерес на колекционерите, но биле потребни неколку години и неколку објави од K-поп ѕвезди за да се започне глобалниот вирален циклус со кој оваа кадифена кукла се претвори во моден статусен симбол.
К-поп ѕвездата Лиса објави фотографија од својата кукла на Инстаграм кон средината на 2024 година, по што продажбата се дуплирала, а потоа и Тик-Ток си го направи своето. Денес, можете да ги видите како висат од секоја втора чанта од Louis Vuitton или Hermes (ако сте паднале во алгоритмот на Тик-Ток).
Прочитајте повеќе на „Мајка и дете“.