🎥 ОГРОМНА ЕКСПЛОЗИЈА ВО РИМ, НАЈМАЛКУ 21 ПОВРЕДЕН Шокантни видеа ја покажуваат огнената топка – луѓе бегаат во паника
Италијанските медиуми јавуваат дека меѓу повредените има полицајци, пожарникари и медицински лица, додека противпожарните екипи и понатаму се на терен. Според сведоштва, експлозијата на бензинската пумпа ги затресла околните згради, а парчиња стакло и метал летале на сите страни.
Повеќе лица се повредени, а жителите биле принудени да побегнат по утринската експлозија на бензинска пумпа во Рим. Снимките од местото на настанот прикажуваат огромна портокалова огнена топка и столб од темносив чад што се издига над зградите.
Според италијанските медиуми, најмалку 21 лице е повредено, меѓу нив и полицајци, пожарникари и медицински персонал, а екипите за гаснење пожар и понатаму работат на терен. Жители за весникот „Corriere della Sera“ изјавиле дека при експлозијата – која ги затресла околните згради – „парчиња стакло и железо летале на сите страни“.
Сведоштва, објавени на социјалните мрежи, што ги пренесува италијанскиот печат, наведуваат дека прво избил пожар, а потоа околу 8:18 часот по локално време се случиле две експлозии во краток временски интервал, од кои втората била посилна.
BREAKING: Massive explosion at gas depot in Rome, Italy. Multiple injuries. pic.twitter.com/tlAcJSURLN
— AZ Intel (@AZ_Intel_) July 4, 2025
Италијанската премиерка Џорџа Мелони разговарала со градоначалникот на Рим, Роберто Гуалтиери, за инцидентот. Експлозијата се случила во населбата Пренестино, на југоистокот од Рим, во близина на детска градинка и спортски клуб. Полицијата и натаму го проверува подрачјето за да утврди дали има дополнителна штета.
BREAKING: Large explosion at gas station in Rome, Italy, injuring at least 10 people – ANSA pic.twitter.com/h5L6nD1AaC
— BNO News Live (@BNODesk) July 4, 2025
На снимките се гледаат разфрлани остатоци на спортското игралиште и ограда што била свиткана од ударниот бран. Италијанската пожарна служба соопшти дека 10 тимови работат на гаснење на пожарот.
Експлозијата се слушнала низ целиот Рим
Големата експлозија на резервоари со нафта, дизел и течен нафтен гас (ТНГ) се слушнала низ цела италијанска престолнина.
„Работиме на експлозијата на резервоарот… Огнот сè уште гори“, соопштија пожарникарите, додавајќи дека еден нивен колега бил хоспитализиран.
❌#Roma, #esplosione in un distributore di carburante in via dei Gordiani, zona Casilino: coinvolto uno dei #vigilidelfuoco intervenuti.
Squadre impegnate a spegnere le fiamme che stanno interessando il deposito giudiziario nella parte retrostante la stazione di rifornimento.… pic.twitter.com/P0zLAzFg3T— Vigili del Fuoco (@vigilidelfuoco) July 4, 2025
Хитните служби биле на самото место и пред експлозијата, откако биле повикани бидејќи камион удрил во цевководот на резервоарот со течен нафтен гас на бензинската пумпа. Медиумите јавуваат дека пожарот се проширил и на блиско складиште, а ударниот бран оштетил и околни згради.
8 полицајци повредени, петмина хоспитализирани
Вкупно осум полицајци се повредени, изјавил функционер за Reuters, а повредени се и вработени во итната помош и минувачи, јавуваат новинските агенции. Итните служби соопштија дека 5 лица се пренесени во болница.
– Ја слушнав експлозијата додека излегував од дома, беше многу гласна детонација, целата куќа се затресе и се исплашив дека ќе се скршат прозорците од силината на звукот – изјавил сведок за Ројтерс.