📽 (ВОЗНЕМИРУВАЧКО) ПОТРЕСНИ СНИМКИ ОД РУСКИОТ НАПАД ВРЗ КИЕВ Во масовното ракетирање загинаа 9 лица, а десетици се повредени

Голем руски напад со ракети и со дронови го погоди Киев во текот на ноќта, при што загинаа 9 лица, а беа повредени уште 63 луѓе, меѓу кои 6 деца, соопштија украинските власти во четвртокот, објави Еј-Би-Си њуз.

Во текот на ноќта руската армија изврши 215 воздушни напади на територијата на Украина, а Одбранбените сили соборија 48 проектили и 64 нападни беспилотни летала, соопшти Военото воздухопловство на Вооружените сили на Украина.

Цел на нападот, кој започна синоќа и траеше до утринава, бил Киев. Во нападот беа погодени и регионите Харков, Дњепропетровск, Житомир, Запорожје и Хмелницки.

Украинската авијација, вклучително и пилоти на борбени авиони Ф-16 и Мираж, како и противвоздушни ракетни единици, системи за електронско војување и мобилни противпожарни групи, учествуваа во одбивањето на нападот.

Според достапните податоци, уништени се вкупно 112 цели.

Nine killed, 63 wounded in Kyiv after mass attack last night by russian cruise missiles and drones. Good morning, the West. I am visiting Kyiv city hall office next hours, finalizing my residence permit paperwork. Show me any European capital so capable of functioning. pic.twitter.com/8VkBrd5tEa

— Sergej Sumlenny, LL.M (@sumlenny) April 24, 2025

– Пријавени се пожари во неколку станбени згради во Киев – изјави шефот на градската воена администрација, Тимур Ткаченко.

Девојка е затрупана во урнатини, спасувачите се обидуваат да ја извлечат

Се појавија потресни снимки од масовниот руски напад врз Киев, кои го прикажуваат ужасот и последиците од ноќниот ракетен и дронски удар.

На една од видеоснимките, која се прошири на социјалните мрежи, се гледа како млада девојка лежи затрупана под урнатините на станбена зграда, додека сè уште се мрда, сигнализирајќи дека е жива.

Околу неа, спасувачките екипи очајнички се обидуваат да расчистат дел од рушевините за да ја извлечат. Сцената, која ја гледале илјадници луѓе, ги потресе гледачите и уште еднаш ги нагласи последиците од нападите врз цивилни цели.

Nine Killed, 63 Injured — Including Six Children and a Pregnant Woman — in Russian Combined Attack on Kyiv

Residential buildings were destroyed and rescue efforts continue as people remain trapped under the rubble.

According to Mayor Vitali Klitschko, the Sviatoshynskyi… pic.twitter.com/lJsg0qSOhA

— Oriannalyla 🇺🇦 (@Lyla_lilas) April 24, 2025

Поради рускиот напад врз Киев, украинскиот претседател Володимир Зеленски ја прекина посетата на Јужноафриканската Република.