НЕ Е ПРВОАПРИЛСКА ШЕГА, ТРЕНДАФИЛОВ ИНКАСИРАЛ 27.500 ЕВРА Петрушевски му одговори на првиот човек на ССМ
Синдикалецот на батерии Трендафилов за 14 месеци инкасирал 1.688.000 денари! Ова не е #априлилили ПС. Пријател со претставници на трулата комунистичка буржоазија, кои семејно си ги наследуваат функциите во синдикатот, за само да си ги полнат џебовите, не може да бидам. Само непријател!, одоговори Бране Петрушевски од ВМРО-ДПМНЕ на Фејсбук.
Пратеникот Бране Петрушевски одговори на прозивката на првиот синдикалец Слободан Трендафилов кој претходно иронично напиша дека „Мислам дека сме најдобри другари, или не сме ?“ објавувајќи фотографија со Петрушевски со зборовите „априлилили“.
Петрушевски му одговори на Трендафилов обвинувајќи го дека инкасирал 27.447 евра за 14 месеци и дека тоа не е првоаприлска шега.
„Синдикалецот на батерии Трендафилов за 14 месеци инкасирал 1.688.000 денари! Ова не е #априлилили
ПС. Пријател со претставници на трулата комунистичка буржоазија, кои семејно си ги наследуваат функциите во синдикатот, за само да си ги полнат џебовите, не може да бидам. Само непријател!“, објави Петрушевски на Фејсбук.
Петрушевски во последните денови обвини повеќе први луѓе на синдикатите ССМ и УПОЗ дека инкасирале пари, нарекувајќи ги „синдикалци на батерии“. Тој го обвини и синдикалецот Стојанче Кашиковски дека земал плата од над 50 илјади денари.
ПРОЧИТАНИ СЕ СИНДИКАЛЦИТЕ НА БАТЕРИИ Пешевски зел 80.000 денари плата?