СЕ ОДРЖА ТРЕТИОТ МЕМОРИЈАЛЕН ТУРНИР „МАЈА ЛАЗАРОВА ТОДОРОВА“ Споментот за прерано заминатите колеги оставнува вечен, велат организаторите

Третиот Меморијален турнир во чест на прерано починати колеги, припадници на Одделот за заштита на определени личности и објекти (ОЗОЛО) при Министерството за внатрешни работи „Маја Лазарова Тодорова“ денеска се одржа во Спортскиот центар „Јане Сандански“.

Од Одделот за заштита на определени личности и објекти нагласуваат дека секогаш обединето како големо семејство, низ своето постоење, биле зад секој свој припадник.

„За жал, некои од нив прерано починаа и повеќе не се меѓу нас. Поради тоа, целта на меморијалниот турнир е да се оддаде огромна почит на сите нив. Тука припаѓаат искусни полициски службеници, кои се истакнале во своето работење и оставиле професионална трага позади себе од која ние и денес учиме, ја почитуваме и спроведуваме. Во оваа прилика ќе ги споменеме Маја Лазарова Тодорова – која е најмладиот полициски службеник кој прерано нѐ напушти, Зоран Милошески, Борис Велинов, Аце Божиновски, Сашо Арсов-Каси, Цветан Атанасовски, Кристина Анѓелеска, Слаѓан Тасевски, Властимир Божиновски“, соопштија од ОЗОЛО.

Тие оддаваат почит и кон нивните семејства и упатуваат порака дека „Сеќавањето на нив, не само што ќе остане во колективната меморија на нашиот Оддел, туку е и ќе биде пример којшто како завет останува во професоналното делување на секој припадник на Одделот“.

Турнирот се одржа во дисциплината одбојка, а меѓу присутните беше и градоначалникот на Општина Аеродром Дејан Митески.

Турнирот, трета година по ред го организира сопругот на починатата Маја Лазарова-Тодорова, Виктор Тодоров заедно со поддршка од Одделот за заштита на определени личности и објекти (ОЗОЛО).