ГОЛЕМА МИСИЈА Е ДА СЕ БИДЕ ВО ОПОЗИЦИЈА Мета од Тирана испрати заедничка порака со Тачи

Лидерот на Демократската партија на Албанците, Мендух Тачи, синоќа во Тирана остварил средба со Илир Мета, поранешен албански претседател и актуелен лидер на опозициската Партија на слободата.

Мета, преку видео објавено на социјалните мрежи, вели дека на средбата двајцата се согласиле дека да се биде во опозиција е голема мисија, а Албанците продолжуваат да бидат главната гаранција за евроатлантското патување на земјата.

– Со лидерот на историската партија на Албанците во Северна Македонија, Демократската партија, Мендух Тачи,  ја делиме истата оценка дека да се биде во опозиција е многу голема мисија. Албанците во Северна Македонија, клучен државотворен фактор, ќе продолжат да бидат главната гаранција за европското и евроатлантското патување на оваа соседна земја, пријател, партнер, многу важен за нас и за европската иднина на регионот – оценува Мета.

Мендуд Тачи е во коалиција со ДУИ. Мета е поддржувач на ВМРО ДПМНЕ и на сега актуелната македонска претседателка Гордана Сиљановска-Давкова, тој во предиборието не ја криеше убеденоста во нивната победа, која им ја честиташе веднаш по изборите.