📽 МУ ОТПАДНА ДЕЛ ОД ТРУПОТ ЗА ВРЕМЕ НА ЛЕТ Приземјен 171 авион „Боинг 737-9 Макс“ по вчерашниот инцидент
Одлуката доаѓа откако лет на „Алјаска ерлајнс“ синоќа беше принуден да слета во Портленд, Орегон, шест минути по полетувањето, откако се откорнал прозорец и дел од патничката кабина. Авионот „Боинг 737-9 Макс“ бил произведен и добил сертификат пред само два месеца, според податоците на ФАА.
Федералната воздухопловна администрација (ФАА) нареди денеска приземјување на околу 171 патнички авиони „Боинг 737-9 Макс“ („Boеing 737-9 Max 9“) низ целиот свет по инцидентот синоќа за време на лет на еден таков воздухоплов на авиокомпанијата „Алјаска ерлајнс“.
– ФАА побара извршување на инспекција веднаш на некои авиони „Боинг 737-9 Макс“ пред да се вратат во употреба – изјави администраторот на агенцијата Мајк Витакер.
Одлуката доаѓа откако лет на „Алјаска ерлајнс“ синоќа беше принуден да слета во Портленд, Орегон, шест минути по полетувањето, откако се откорнал прозорец и дел од патничката кабина. Авионот „Боинг 737-9 Макс“ бил произведен и добил сертификат пред само два месеца, според податоците на ФАА.
An Alaska Airlines flight (brand new 737 Max 9) had to make an emergency landing shortly after takeoff, when a ‘window and a chunk of fuselage’ blew out at 16,000 feet.
Phones, and other items were sucked out when the plane depressurized. pic.twitter.com/WedaE1LjgI— America🇺🇸 (@Americafakts) January 6, 2024
Повеќе авиокомпании како „ „Алјаска ерлајнс“ или „Јунајтед ерлајнс“ го прекинаа сервисирањето на овие авиони за инспекција а по наредбата на ФАА.
Другите американски авиокомпании како „Саутвест“ и „Американ“ изјавија дека не употребуваат „737-9 Max“ туку „737-8 Max“ и потврдија дека овој модел на авиони не е предмет за загриженост.