„БАТАЛЕТЕ ЈА ГАЗА, ВО ЕВРОПА МОЖЕ ДА СЕ ПОВТОРИ 1939 ГОДИНА“ Поранешен командант на НАТО предупредува дека Западот „се замајува“ со војната на Блискиот Исток

Постои вистинска можност Украина да ја изгуби војната ако Западот не ѝ обезбеди сѐ што и потребно, а тоа да донесе „мрачен облак врз Европа што не сме го виделе од 1939 година“, пишува хемискиот експерт и поранешен тенковски командант во НАТО, Хамиш де Бретон-Гордон за британски Телеграф. Тој смета дека „ние на Запад мора да сфатиме дека настаните во Европа се тие што ќе ја обликуваат нашата судбина многу повеќе од оние во источниот Медитеран“, мислејќи на војната во Газа.

„Направете чекор наназад, и јасно е дека изгледите за нуклеарна војна и силите на Путин кои постојано се движат кон запад го бараат нашето најголемо внимание“, пишува тој.

„Да, терористичките групи од Блискиот Исток ни се закануваат со напади. Но, тие се ограничени и немаат способност да се вклучат во вид на тиранско потчинување што Путин би сакал да се обиде во Украина. И тие немаат способност да испратат смртоносни стратешки нуклеарни боеви глави низ небото“, продолжува експертот.

Тој потсетува дека по 20 месеци војна во Украина Западот „е расеан од работите на друго место“ и дека „залихите на западно оружје и муниција пресушуваат и очигледно се пренасочуваат кон источниот Медитеран“.

Потоа тој констатира дека „изборите во САД и во Велика Британија следната година може да се покажат фатални за континуираниот проток на вооружување“.

Тој признава дека есејот на врховниот командант на Украина, Валериј Залужни, во кој Залужни призна дека „најверојатно нема да има пробив во контраофанзивата“ е „претставува многу искрена и реална проценка на моменталната состојба на војната. Тоа е и предупредување за Западот дека Русија е далеку од победена“.

Бретон-Гордон не ја споредува ситуацијата само со кобната 1939 година кога започна Втората светска војна, туку, во однос на самата рововска битка, како Првата светска војна, а решението го наоѓа во испраќање авиони на Украина.

„Сепак, како поранешен командант на тенкови, оценувам дека тенковската акција во Камбра на 20 ноември 1917 година не се разликува од тенковската акција во 2023 година во Донбас. Ќе го прекине ќор-сокакот ако ги исполниме обврските за кои вика Зеленски – особено ако го обезбедиме делот што недостасува во модерните борбени авиони“, пишува експертот.

Ескпертот смета и дека „Путин е изолиран од политичките последици од ова големо уништување на иднината на Русија“ и дека Русите треба само да продолжат „да истураат едвај обучени војници во рововите, кои треба само да држат и да пукаат со пиштол“.

„Кремљ е подготвен да ја фрли својата младост во машината за месо на Донбас, додека украинските војници на фронтот имаат просечна возраст над 40 години“.