КАДЕ ВО СВЕТОТ СЕ ЗАБЕЛЕЖАНИ НАЈМНОГУ НЛО ДОСЕГА? Официјален Вашингтон објави карта со „жешките точки“

Aмериканското Министерство за одбрана објави документ кој ги открива жариштата со најголема фреквенција на забележани случаи на Неидентификувани воздушни феномени (UAP), што е ново име за познатите НЛО низ светот. Врз основа на податоците направена е мапа која ги покажува во црвена боја областите каде што биле забележани најмногу случаи на НЛО од 1996 до 2023 година, пишува Дејли меил.

Меѓу другото, мапата укажува на жаришта на НЛО во Нагасаки и Хирошима, Јапонија, источниот и западниот брег на САД, особено Калифорнија, како и делови од Блискиот Исток, вклучувајќи ги Ирак и Сирија.

Во Јапонија, регионот кој ги опфаќа Нагасаки и Хирошима се издвојува како жешка точка. Овие градови беа неславни цели на американските нуклеарни напади во 1945 година. Друго јапонско жариште е градот Иномачи во префектурата Фукушима, кој често се нарекува „град на НЛО“. Иномачи е дом и на Меѓународната лабораторија за НЛО, која е основана во 2021 година и ја води ентузијастот Такехару Миками.

Картата на американската влада е дел од документот на пет страници насловен „Трендови за известување на UAP (НЛО)“, достапен на новата веб-страница на ААРО (ААRO), одделот за НЛО што беше формиран минатиот јули. Веб-страницата има за цел да ѝ обезбеди на јавноста информации за напорите на ААРО да ги разбере и разреши неидентификуваните аномални појави. Исто така, ветува дека ќе сподели декласифицирани фотографии и видеа од решени случаи на UAP (НЛО).

Објавуавањето на овие документи укажува на зголемените напор на американската влада да биде помалку таинствена за активноста поврзани со НЛО, се вели во изјавата на претставници на Министерството за одбрана.

Неодамна, истакнатиот свиркач на НЛО, поранешниот разузнавач Дејвид Груш (David Grusch), даде шокантно сведоштво пред Конгресот, тврдејќи дека Пентагон прикрил докази поврзани со вонземјани. Тој тврдеше дека знаел за тајните владини програми кои вклучуваат „нечовечка“ технологија, но не обезбеди докази за да ги поткрепи неговите тврдења. Шон Киркпатрик, шеф на ААРО, силно ги оспори тврдењата на Груш, нарекувајќи ги „навредливи“.