ФРАНЦИЈА БАРА ЕУ ДА ЈА ПРОГЛАСИ „ВАГНЕР“ ЗА ТЕРОРИСТИЧКА ГРУПА Парламентот во Париз усвои таква резолуција
Каде и да работат, членовите на „Вагнер“ шират нестабилност и насилство. Тие заплашуваат и манипулираат речиси целосно неказнето - изјави пратеникот Бенџамин Хадад во Парламентот.
Францускиот Парламент ја повика ЕУ официјално да ја прогласи руската воена група „Вагнер“ за терористичка организација, бидејќи Велика Британија наводно се подготвува да го стори истото.
Францускиот Парламент едногласно усвои необврзувачка резолуција која има за цел да ги охрабри 27-те земји-членки на ЕУ да го стават „Вагнер“ на нивната официјална листа на терористички организации.
– Каде и да работат, членовите на „Вагнер“ шират нестабилност и насилство. Тие заплашуваат и манипулираат речиси целосно неказнето – изјави пратеникот Бенџамин Хадад во Парламентот.
Тој рече дека тие не се обични платеници водени од „апетитот за пари“, туку „следат широка стратегија, од Мали до Украина, за поддршка на агресивната политика на режимот на претседателот [Владимир] Путин кон нашите демократии“.