(ВИДЕО) БЕСНИОТ ПРИГОЖИН СО ПЦОСТИ ГИ НАПАЃАШЕ ШОЈГУ И ГЕРАСИМОВ Водачот на единицата „Вагнер“ најави кога неговите трупи ќе го напуштат Бахмут

Шефот на руската приватна воена компанија, Вагнер Евгениј Пригожин, ги упати досега своите најжестоки критики до официјалните лица на Кремљ досега. Во новото видео тој се појавува покрај, како што рече, телата на неговите платеници убиени во борбите во Украина.

– Овие момци овде се наши кои починаа денес. Крвта е уште свежа. Снимете ги сите – вели Пригожин во видеото објавено на социјалните мрежи.

Тој се закани минатиот месец дека ќе ги повлече своите платеници од Бахмут доколку не добијат повеќе муниција за да ја продолжат борбата.

Prigozhin showed fresh losses of Wagner PMC and blamed Shoigu and Gerasimov for them.

He says the ammunition shortage has reached 70% and seems to be on the verge himself. pic.twitter.com/lRiGjApC5n

— Anton Gerashchenko (@Gerashchenko_en) May 5, 2023

Пригожин сега се закани дека ќе ги повлече своите трупи од Бахмут до среда, 10 мај, бидејќи неговата војска снема муниција.

– Во име на борците на Вагнер, во име на командата на Вагнер, изјавувам дека на 10 мај 2023 година сме обврзани да ги префрлиме нашите позиции во населбата Бахмут на единиците на Министерството за одбрана и да ги повлечеме остатоците од логистичките кампови на Вагнер, за да можеме да се прегрупираме. Ги повлекувам единиците на Вагнер од Бахмут бидејќи е бесмислено во недостиг на муниција да се оди во пропаст – истакна Пригожин.

Во новото видео, тој го повтори својот повик за муниција, повикувајќи ги рускиот министер за одбрана Сергеј Шојгу и началникот на Генералштабот на руските вооружени сили Валериј Герасимов да ги видат телата.

– Ова се нечии… татковци и нечии синови. А вие… што не ни давате муниција, кучки, ќе ви ги јадат цревата во пеколот! – вика Пригожин во видеото.

– Седите таму во вашите луксузни клубови, вашите деца се зависни од правење видеа на „YouTube“. Мислите дека сте господари на овој живот? Мислите дека можете да ги контролирате нивните животи? Ако имате магацини полни со муниција, тогаш ги имате – додава лидерот на „Вагнер“.

Пригожин, чии сили имаа клучна улога во руските напади на украинска територија, често имаше судири со генералите на Путин и други претставници на одбраната во Москва.

Повеќе од еден месец се жалеше на недоволната поддршка од Кремљ во исцрпувачката битка за Бахмут.

– Ова е едноставна математика. Да дадете нормална количина муниција, ќе имаше пет пати помалку мртви. Тие дојдоа овде како волонтери и умираат за да можете да седите како дебели мачки во вашите луксузни канцеларии – вели Пригожин.