СЕ ПОДГОТВУВА ПАНАЃУР ИЛИ СЕ БЛИЖИ НОВА ГОДИНА? Арсовска уверува дека градот се украсува

Почна украсувањето во Скопје, традиционално, со плоштадот. Ќе има дополнителни содржини за најмалите, ќе има новогодишен базар кој ќе биде поставен во центарот на градот, како и мини забавен парк, истакна вечерва градоначалниката на Град Скопје Данела Арсовска во гостување на Канал 5.

Додека таа на телевизија тврдеше дека во ек е новогодишното украсување на метрополата, градот изгледа вака:

Градоначалничката вети новогодишна програма во градот, но не во онаа мера како што било минатите години, потенцирајќи дека е економска и енергетска криза и Градот сериозно внимава на ресурсите кои ги троши.

Арсовска најави и пречек на Новата година на плоштадот која ќе биде „зачинета“ со настап на пејачи, но не сакаше да открие за кого станува збор.

За долго ветуваната специјална прес-конференција за новогодишното китење и за програмата за најлудата ноќ, таа во вечерашното гостување во „Само интервју“ не спомна ништо.