МУ ПАДНАЛ ОЛУК ВРЗ ГЛАВА Кумановец повреден додека минувал покрај зграда

Дваесет и петгодишно лице од Куманово е повредено на плоштадот „Маршал Тито“, откако врз него паднал олук од зграда, информираше денеска полицијата.

Настанот се случил вчера во 20:42 часот. Екипа од кумановската полиција извршила увид на местото на настанот. Повреденото лице било пренесено во општата болница, за укажување лекарска помош.

Полицијата презема мерки за расчистување на случајот.