СИНОТ НА БАЈДЕН ДОБИЛ 5 МИЛИОНИ ОД КИНЕСКА НАФТЕНА КОМПАНИЈА Се стега обрачот околу истрагата за Хантер

Хантер Бајден, синот на актуелниот американски претседател, добил речиси 5 милиони долари во текот на година дена од кинеска енергетска компанија со врски со Комунистичката партија, сугерираат документите кои неделава ги објавија двајца републикански сенатори. Истрагата за Бајден од американските власти се засилува. По шпекулациите дека тој ги финансирал озлогласените биолаборатории во Украина, сега весникот Вашингтон Пост ги анализира новооткриените документи. Зошто Хантер примал пари од Кина?

Целата анализа на Вашингтон Пост можете да ја прочитате овде.

Списите покажале дека, почнувајќи од август 2017 година, Хантер Бајден и неговиот вујко добиле 4,8 милиони долари од компанијата „CEFC China Energy“, нафтен и гасен гигант. Според Вашингтон Пост, договорот бил подготвуван со години наназад, а му претходеле летови до Кина, организирање вечери и воспоставување контакти. Потоа, на 2 август 2017 година ставени биле потписите на Хантер Бајден и Гонгвен Донг, извршниот директор на компанијата.

За неколку дена, била креирана нова сметка на „Cathay Bank“. За една недела, милиони долари почнаа да се разменуваат. Во текот на 14 месеци, кинескиот енергетски конгломерат и неговите директори им платиле 4,8 милиони долари на ентитети под контрола на Хантер Бајден и неговиот вујко, според владините записи, судските документи и новооткриените банкарски извештаи, како и мејловите од хард-дискот на лаптопот на Бајден.

Пост не најде докази дека неговиот татко, претседателот Џо Бајден, лично имал корист или знаел детали за трансакциите со кинеската компанија, кои се случиле откако Бајден ја напуштил потпретседателската функција и пред да ги објави своите намери да се кандидира за претседател во 2020 година.

Но, новите документи, кои вклучуваат потпишана копија од легален држач од 1 милион долари, мејлови поврзани со жиро трансфери и 3,8 милиони долари во даноци кои се потврдени во новите банкарски записи и договори потпишани од Хантер Бајден, ги илустрираат начините на кои неговото семејство профитирало врските кои татко му Џо ги имал во својата децениска работа во јавните служби.

Лаптопот на Бајден бил предаден на ФБИ во декември 2019 година, според документите разгледани од The Post, а копија од дискот била доставена од Руди Џулијани и од други советници на тогашниот претседател Доналд Трамп неколку месеци пред изборите во 2020 година.