ВО ЖИВО Деведесет годишниот актер полета во вселената (ВИДЕО)
Шатнер и тричлената екипа полетаа во вселената малку подоцна од планираното.
Вилијам Шатнер денеска полета во вселената. Половина час пред полетување, Џеф Безос ги одвезе патниците до леталото, но не одлета со нив.
Пред самото полетување, „Блу ориџин“ објави на Твитер дека ги прават последните проверки за да се уверат дека сѐ е во најдобар ред. Како резултат на тоа, Шатнер и тричлената екипа полетаа во вселената малку подоцна од планираното. Патем, тие ја провериле подготвеноста на авионот рано утрово.
Погледнете ја авантурата на Шатнер во видеото.
Пред полетувањето, братот на Џеф Безос, Марк Безос, им испратил порака за поддршка до патниците.
„Вие среќници, пред 10 недели седев таму каде што вие сега седите, ги броев секундите… Тешко ми е да ја изразам својата длабока желба повторно да полетам“, рече Марк, додавајќи дека одвај чека да ги слушне доживувањата на Шатнер.
Во видеото снимено пред да полета во вселената, Шатнер рече дека ова е искуство што го менува животот, првенство поради луѓето што ги запознал благодарение на оваа авантура.
„Блу ориџин“објави дека Шатнер лета во вселената заедно со Одри Пауерс, потпретседател на компанијата.
Шатнер, Пауерс и двајца други членови на екипажот полетаа од оддалечениот дел на Западен Тексас, помалку од три месеци по првиот вселенски лет со екипаж до „Блу ориџин“. Екипажот ќе ужива четири минути безтежинска состојба во текот на 11-минутното суборбитално патување. Џеф Безос и неговиот брат го направија истото ова лето.