ПАНОВСКИ СО АПЕЛ Не ги малтретирајте прележаните да се вакцинираат, дајте им рок од 12 месеци
До сега за 18 месеци од почетокот на пандемијата починале 5 лица претходно прележани, а за 6 месеци од вакциналната кампања кај нас починале скоро 200 комплетно вакцинирани, пишува микробиологот.
Микробиологот Никола Пановски попладнево преку својот профил на фејсбук упати, како што истакна, последен апел до здравствените власти.
„Не ги малтретирајте прележаните, дајте им 12 месеци рок да се вакцинираат, дајте им сертификат. До сега за 18 месеци од почетокот на пандемијата починале 5 лица претходно прележани, а за 6 месеци од вакциналната кампања кај нас починале скоро 200 комплетно вакцинирани. Министре Филипче и премиеру Заев, уште ли верувате дека вакцината штити подобро од природното прележување? Извинете се и сменете ги „врвните експерти“ кои ве убедија во таа глупост. Користете ги вакцините разумно за здравје, за имунитет, не ги потценувајте вакцините, тие не заслужуваат да се вбризгаат со исклучива цел за добивање аусвајс“, напиша Пановски.