ЗАМИНУВА И ЗАМЕНИКОТ НА ФИЛИПЧЕ Илир Хасани поднесе оставка, вели дека нема ништо над достоинството!

И економскиот директор на тетовската клиничка болница Артан Етеми поднесе оставка, од морални причини.

Од плусинфо Објавено 10/09/2021 18:15:54

Од попладнево лавина од оставки во ресорот здравство, кои дојдоа два дена по страшната трагедија која се случи во тетовската мдуларна болница.

Прв оставка од морални причини поднесе директорот на тетовската клиничка болница Флорин Бесими, па економскиот директор Артан Етеми.

„Чувствувајќи ја длабоката болка од трагедијата што се случи во модуларниот центар во Тетово, каде што бев и лично присутен, од тажните слики што ги доживеав извлекувајќи ги со свои раце телата на жртвите, во својство на економски директор ја давам мојата оставка од оваа позиција од морален чин. Јас верувам на принципот дека истражните тела и меѓународно ангажираните експерти ќе ја откријат вистинската причина за тоа како настана трагедијата што се случи во модуларниот центар и која ги скрши нашите срца. Ја споделувам болката со роднините на жртвите“, напиша Етеми.

Можеби ќе ве интересира

СОБРАНИСКОТО МНОЗИНСТВО ОЧЕКУВА ОСТАВКА ОД ПРЕТСЕДАТЕЛКАТА…

плусинфо 30/04/2025

ДИМИТРОВСКА МОРА ВЕДНАШ ДА ПОДНЕСЕ ОСТАВКА Само така ќе се…

плусинфо 28/04/2025

Доцна попладнево оставка поднесе и заменик министерот за здравство Илир Хасани, како што наведе, од морални причини.

„Во овие моменти толку тешки за сите нас, поднесувам оставка како највисок морален чин. И покрај фактот дека немам ништо со процедурите за градењето на модуларна болница, иако немам никаква врска со организацискиот дел, оставката е чин за кој сметам дека треба да го направам во моментов, и со тоа да ги почитувам жртвите, повредените , јавноста и најмногу себе. Нема ништо над достоинството“, напиша Хасани.