ВМРО-ДПМНЕ: Царовска плаќа професори за да туркаат бугарска агенда

Платените професори прават дополнителна штета фалејќи ги штетните реформи на Мила Царовска. Со фалење на штетни реформи, овие платеници на Царовска ќе предизвикаат  крах на образовниот систем, реагира ВМРО-ДПМНЕ.

– Мила Царовска со своите платеници е во обид да ја убедат јавноста дека нејзините реформи се за доброто на учениците. Царовска нема чувство на одговорност и за поширока дебата. Мила Царовска како и нејзиниот шеф Зоран Заев не се подготвени за соработка и за водење на отворен и транспарентен дијалог за пошироката јавност да се запознае со предложената реформа во образованието. Царовска на сила и без општоприфатен консензус сака што побргу да го истурка процесот со што го доведува под знак прашалник квалитетот и важноста. Заев и Царовска со петни жили ја туркаат бугарската агенда преку реформите за образование – вели ВМРО-ДПМНЕ.