Џон Траволта: Прв празник без мојата Кели

Поминаат четири месеци откако славниот актер Џон Траволта се прости од сопругата Кели Престон, која во 58. година ја изгуби битката против рак на градите. Иако актерот тогаш се изолира и повлече од јавниот живот, повремено се јавуваше на фановите. Сепак, собра сили и по повод Денот на благодарноста во Америка и испрати порака на следбениците.

– Само сакав да го искористам овој момент да им се заблагодарам на сите што ме поддржавте на неверојатен начин годинава. Среќен Ден на благодарноста. Како и секогаш ви испраќам љубов – рекол Траволта во видеопораката до својте фанови на Инстаграм.

„Само продолжете да живеете и да сакате, токму како што таа би сакала“, „Кели ќе беше многу горда на сета твоја сила и љубов која ја испраќаш“. „Навистина се надевам дека ќе успееш да го пронајдеш својот мир и среќа уште еднаш“ – се само некои од пораките на неговите следбеници на Инстаграм.