Млади на возраст од 34 и 40 години се меѓу 25 починати во еден ден

Во Македонија од ковид-19 денеска починаа 25 заболени, од кои најмладиот има 34 години.

Меѓу починатите пациенти, петмина се од Куманово, четворица од Битола, по тројца од Скопје и Тетово, двајца од Прилеп и по еден пациент од Крушево, Гостивар, Кавадарци, Крива Паланка, Струмица, Валандово, Пехчево и Свети Николе.

 

Тројца починати пациенти од Скопје се на возраст од 62, 82 и 75 години, а тројцата од Тетово имале по 46, 77 и 83 години. Двајца се починати од Прилеп на возраст од 71 и 79 години.

Еден пациент почина од Крушево, имал 40 години. Петмина пациенти изгуби Куманово на возраст од 34, 49, 49, 66 и 62 одини. Четири пациенти од Битола се меѓу починатите  (71,72, 73 и 75), еден пациент од Гостивар (65), еден од Кавадарци (69),еден од Крива Паланка (75).

Еден пациент почина од Струмица (70г), еден пациент од Валандово (60г), еден од Пехчево (69г) и еден пациент од Свети Николе (68).

Освен двајца пациенти, сите останати се починати во болнички услови.

Институтот за јавно здравје регистрира 507 оздравени пациенти.

Вкупната бројка на ковид дијагностицирани во земјава од почетокот на епидемијата изнесува 44.898. Бројката на оздравени е 26.289, а на починати 1263. Активни се 17.346.